Қазақстан Парламенті Мәжілісінің Төрағасы Нұрлан Нығматулин Палатаның жалпы отырысында Мемлекеттік қызмет мәселелері бойынша түзетулерді бірінші оқылымда қарау барысында ауылдық жерлерде кадрлардың жетіспеушілігі мәселесін заңнамалық тұрғыда шешу табылғанын мәлімдеді. Бұл туралы Парламент баспасөз қызметінен хабарлады.
Мәжілісмендердің алаңдаушылығы ауылдарда атқарушы деңгейдегі мемлекеттік қызметкерлердің тапшылығы болып отыр. Депутаттар бұл мәселелерді төртінші деңгейдегі бюджетті енгізуді көздейтін заң жобасын талқылау кезінде де, өңірлердегі кездесулер нәтижелері бойынша депутаттық сауалдарда да, сондай-ақ Үкімет сағаттарында да бірнеше рет көтерді.
Бұл мәселені шешу үшін заңда «Дипломмен ауылға» жобасының тармақтарын мемлекеттік қызметшілерге де қолдану ұсынылады.
Мемлекеттік қызмет істері агенттігінің мәліметтеріне сәйкес ауылдық округтердің мемлекеттік органдарында бос орындар саны 900 адамға
жетеді.
«Бұл өте көп және қабылданатын норма білікті кадрлардың айтарлықтай тапшылығын жоюға мүмкіндік беруі тиіс», — деді Нығматулин.
Бұл, ең алдымен, басты және жетекші мамандарға, яғни, парламент палатасының спикері айтуынша, әкімдіктерде күнделікті және ауыр жұмыс істейтін адамдарға қатысты.
Нигматулиннің айтуынша, бұл мамандар сумен жабдықтау, жарықтандыру, сондай-ақ құрылыс және коммуникация қызметін бақылаумен айналысады.
«Ұсынылып отырған норма азаматтардың тең мүмкіндіктерінің принципін толық қамтамасыз етеді», — деп толықтырды ол.
Сурет: parlam.kz
