Келесі жылы біздің мемлекетімізде Президент Қасым-Жомарт Тоқаев жүргізіп жатқан саяси реформалардың маңызды оқиғасына айналатын Парламенттің төменгі палатасына сайлау өтуі тиіс.
Парламентке кім баратынын талқылай отырып, ресми тіркелген саяси партиялардан бастаған жөн:
— Nur Otan билеуші партиясы
— «Ақ жол» демократиялық партиясы»
— Қазақстан Коммунистік Халық партиясы
— Жалпыұлттық социал-демократиялық партиясы
— «Ауыл» халықтық-демократиялық патриоттық партиясы
— «Бірлік» саяси партиясы»
Әрі қарай, парламенттік сайлау аясында еліміздің азаматтары үшін тосынсыйдай болған, мүлдем жаңа ойыншылар партияның құрып, сайлауға қатысатын туралы мәлімдегеніне назар аударғым келеді, бұл
Мәселен, 11 қыркүйекте «Желтоқсан-86» қоғамдық қозғалысының мүшелері «Алаш-Желтоқсан» деп аталатын партияның құрылғанын жариялады, олар оппозиция болмай, ұлттық проблемалармен айналысатынын айтты.
Осы белгілердің барлығы «Желтоқсан-86» қозғалысы өзінің саяси қызметін консерваторларға ұсынауға тырысып жатқанын айғақтайды.
Сондай-ақ, «Бірлік» саяси партиясы «Ауыл» халықтық-демократиялық патриоттық партиясымен бірігуді ұсынғаны маңызды оқиға болды.
Мәжілісте екі партияның да өкілдері жоқ екенін ескере отырып, бірігу туралы ұсыныс парламенке өту мүмкіндігін арттыру мақсатында ұсынылған болуы мүмкін.
Алайда «Бірлік» мүшелері республиканың қоғамдық-саяси оқиғаларын талқылау және шешімдер қабылдау процестерінде белсенділік танытпайтынын алға тартып, «Ауыл» партиясы бұл ұсынысты қабылдамады.
Басқаша айтқанда, «Ауыл» партиясына «Бірлік» партиясымен қосылу тиімді болмас еді, өйткені, сайып келгенде, ол саяси дивидендтерге де, қосымша танымалдыққа да ие болмайды.
Жақында елімізде тіркелмеген, Жанболат Мамай жетекшілік ететін Қазақстанның демократиялық партиясы да өзін алға тартты. Атап айтқанда, 13 қыркүйекте оның жақтастары несиелік рақымшылық жасауды талап етіп, келісілген жиналыс өткізді.
Тіркелмеген Демократиялық партияның акциясы бейбіт жиналыстар өткізу бойынша қабылданған жаңа Заң тәртібімен ұйымдастырған алғашқы митинг екенін атап өткім келеді. Сондықтан партия мүшелері үшін бұл шара заңды наразылық акцияларының алғашқы тәжірибесі болды.
Егер Демократиялық партия жақтаушыларының қоғамдық белсенділігін ескеретін болсақ, онда оның Қазақстанда тіркелуі үшін жақсы мүмкіндіктері бар. Дегенмен оның парламентке шығу мүмкіндігі әлі жоқ.
Осыған байланысты саяси ұйымдардың баламалы билік партияларының арасында бұрынғысынша «Ақ жол» мен Қазақстанның Коммунистік халық партияларына Парламенттің төменгі палатасынан орын алу мүмкіндігі бар.
Компартиядан Мәжіліс депутаты Ирина Смирнова қазір елімізде қашықтықтан оқыту форматын тоқтату үшін белсенді күресіп жатыр, ал «Ақ жол» көшбасшысы Азат Перуашев бюджет қаражатының тиімсіз жұмсалуын сынға алуда. Осыны ескере отырып, екі партия да жаңа сессияның басталуымен қарқынды белсенділік танытып жатыр деп сеніммен айтуға болады. Сондықтан алдағы сайлауда Nur Otan-мен олар ғана бәсекеге түсе алады.
Қазір республикамыздың парламентінің төменгі палатасына сайлау өткізудің нақты күні әлі белгіленген жоқ. Оны келесі жылы өткізу жоспарланғаны ғана белгілі.
«Эхо Казахстана» үшін арнайы, саяси шолушы Нұрлан Фадеев
