Жақында Денсаулық сақтау министрі Алексей Цой Қазақстандағы парламенттік сайлау қашықтықтан өтуі мүмкін екенін мәлімдеді. Мұны естіген HAQ саяси қозғалысының жақтаушылары онлайн дауыс беруге наразылық білдіріп, тиісті петицияны іске қосты, деп хабарлайды vlast.kz жаңалықтар ресурсы.
Қозғалыс жетекшісі Тоғжан Қожалиеваның айтуынша, Мәжіліс сайлауын қашықтықтан өткізу, оның ашықтығы мен адалдығына қауіп төндіреді.
Ол онлайн-дауыс беру түрлі жалғандықтарға, соның ішінде дауыстарды бұруға мүмкіндік туғызатынын айтты.
Сондықтан саяси қозғалыс мүшелері парламенттік сайлаудың қашықтықтан өтуіне қарсы өтініш жасады. Олар біздің республикамыздың электоралдық жүйесі техникалық жағынан да, заңнамалық жағынан да онлайн-дауыс беруге дайын емес екеніне сенімді.
Сондай-ақ, белсенділер егер республикада қатаң карантиндік режим қайтадан енгізілсе, Мәжіліс сайлауын кейінге қалдыру керек деп санайды.
Сондай-ақ, Қазақстанда республика бойынша алғашқы ауқымды онлайн-дауыс берудің кемшіліктерін ескере отырып, ел басшылығы парламенттік сайлауды қашықтықтан өткізу туралы шешім қабылдамайды деген пікір бар.
