Бүгіннен бастап мемлекетімізде 2021 жылдың 10 қаңтарына жоспарланған парламенттік сайлауға қатысатын үміткерлердің сайлау алдындағы үгіт-насихат жұмыстары басталды.
Орталық сайлау комиссиясының ақпараты бойынша, Қазақстан Конституциясына сәйкес үгіт-насихат сайлауға бір күн қалғанда, яғни 9 қаңтарға дейін жалғасады. Осындай үгіт-насихат мерзімі мәслихат сайлауы үшін де белгіленген.
Алдағы сайлауда Мәжілістегі орындар үшін ресми тіркелген бес саяси бірлестік, атап айтқанда Nur Otan, “АҚ жол” Демократиялық партиясы, Халық партиясы, “Ауыл” саяси партиясы және “Адал” партиясы күресетін болады.
Парламенттік сайлауға қатысушылардың тізімінде барлығы 312 үміткер ұсынылды. Nur Otan – 126 адам, Халық партиясы – 113 адам, “Ақ жол” – 38 адам, “Ауыл” – 19 адам, “Адал” – 16 адам ұсынды.
Бірқатар сарапшылар мен саяси шолушылар 2021 жылғы сайлауда билеуші партия жеңіске жетеді деп санайды, өйткені ол бүгінгі таңда Қазақстандағы ең көп саяси құрылым болып табылады.
Бұған дейін ОСК Қазақстанда Мәжіліс пен мәслихат сайлауын бақылайтын 62 халықаралық байқаушыны тіркегені хабарланған.
Сурет: kommersant.ru
