Қазақстан Республикасы Парламенті төменгі палатасының депутаты Владислав Косарев біздің еліміздегі сыбайлас жемқорлыққа қарсы қызметтің жұмысы туралы өз пікірін білдірді. Бұл туралы Tengrinews.kz ақпарат агенттігі хабарлайды.
ҚР Мәжілісінде сыбайлас жемқорлыққа қарсы күрес мәселелері бойынша түзетулердің тұсаукесері өтті, оның барысында мәжілісмен сыбайлас жемқорлыққа қарсы іс-қимыл агенттігі заңдарды қатаңдатуы қажет деп мәлімдеді.
Владислав Косаревтің айтуынша, қазіргі уақытта сыбайлас жемқорлыққа қарсы күрес жүргізетін органдар өздеріне тиесілі жұмыспен айналыспайтынын және олар депутаттық сауалдарға да жауап бермейтінін атап өтті.
“Өткен отырыста депутаттық сауал болды, ешкім келмеді,қабылдамады, талдау жасамады. Бұл сыбайлас жемқорлықпен күрес емес, көзбояу. Менің ойымша, нақты күресетін уақыт келді. Қазір біз түзетіп жатқан заңдарды қатаңдататын кез келді деп ойлаймын. Бұл заңда бұйрық рай көп қолданылуы керек”, – деді мәжілісмен.
Алайда, қазақстандық сыбайлас жемқорлыққа қарсы ведомство басшысының орынбасары Олжас Бектенов депутаттың пікірімен келіспейді, керісінше, ведомство сыбайлас жемқорлыққа қарсы күресті тиісті түрде жүргізіп жатқанын айтты.
Сондай-ақ Олжас Бектенов сыбайлас жемқорлыққа қарсы қызметтің статистикалық мәліметтерін келтірді, оларға сәйкес Қазақстанда жыл сайын сыбайлас жемқорлыққа байланысты 2 мыңға жуық қылмыс анықталады.
“Сондықтан жұмыс жүргізілуде. Сондай-ақ, ол сыбайлас жемқорлық көріністерінің себептері мен жағдайларын жою бағытында белсенді жүргізілуде. Депутаттық сауал бойынша, мен қарастыра аламын. Біз оны қарастырып, жауап береміз”, – деді Бектенов.
Сурет: theopenasia.net
