Қазақстан парламенті төменгі палатасының депутаты Зағипа Балиева біздің елімізде өңірлік даму министрлігін қайта құру қажеттігін айтты.Бұл туралы ол Мәжілістегі үш жылдық бюджет жобасының таныстырылымында хабарлады.
Балиева Қазақстанда барлық қажетті қызметтер мен құқықтарды толық көлемде ала алатын министрлік болуы тиіс деп есептейді.
«Мен елімізде өңірлік даму министрлігі болуы тиіс деген ойға ораламын. Біз азамат қай жерде тұрса да,кепілдік берілген барлық қызметтер мен құқықтарды толық көлемде алуға тиісті унитарлық мемлекетпіз. Білім беру, денсаулық сақтау, ауыз су, жол және т.б.», — деді ол.
Мәжіліс депутаты ҚР Қаржы және Ұлттық экономика министрліктерінде барғаннан кейін осындай шешімге келгенін айтты.Егер әлеуметтік саясатқа ерекше назар аударылса,ол неғұрлым сапалы орындалады деп санайды.
«Бүгінгі таңда министрлік қызметкерлері қандай күйзелісте жұмыс істейтінін көріп отырмын. Бізде тұрғындардың санына байланысты сараланған тәсіл болуы керек. Шымкентте балалар төрт ауысымда, Алматы облысында үш ауысымда, ал бір жерде бір ауысымда оқиды.Ондай бізде болмауы керек», — деп атап өтті Балиева.
Естеріңізге сала кетейік, 2013 жылдың қаңтарында Қазақстан Республикасында өңірлік даму министрлігі құрылды. 2016 жылы ол ҚР Ұлттық экономика министрлігінің құрылыс, тұрғын үй-коммуналдық шаруашылық істері және жер ресурстарын басқару комитеті болып қайта құрылды.
