Кеше Мәжіліс депутаттары Ресейдің шекарасында орналасқан Атырау облысының Құрманғазы ауданы шалғайындағы елді мекендерін аралады. Бұл туралы ҚазАқпарат агенттіі хабарлады.
Депутаттар он елді мекен орналасқан бұрынғы Азғыр ядролық полигоны аумағында газдандыру жұмыстарын қалай жүріп жатқанын көру үшін өңірге жұмыс сапарымен барды.
Аудан тұрғындарымен кездесуге Қазақстан Республикасы парламенті Мәжілісінің депутаттары Абай Тасболатов, Тарас Хитуов, Сергей Симонов және Бақтықожа Ізмұхамбетов қатысты.
Бақтықожа Ізмұхамбетов тұрғындарға ағымдағы айдың соңына дейін осы ауданның барлық 10 елді мекеніне газ өткізілетінін айтты. Қазіргі уақытта ұзындығы 365 шақырым құбыр салынды.
Қазір жоба соңғы сатыда. Мамыр айының соңына қарай жаңа құбыр пайдалануға беріледі..
Депутаттар жергілікті тұрғындарға Қазақстан Республикасының Тұңғыш Президенті Нұрсұлтан Назарбаевтың әлеуметтік көмек жөніндегі тапсырмалары, көп балалы және аз қамтылған отбасыларды қолдау бойынша бағдарламалары іске асырылып жатқанын айтты.
Мәжіліс депутаттары халықтың жекелеген санаттарының жалақысын көтеру туралы да сөз қозғады.
Естеріңізге сала кетейік, ауданды газдандыру жобасы барлығы 8 мың адам тұратын 10 елді мекенді қамтиды.
Сурет: inform.kz
