Мәжілісмендер Ақмола облысының сайлаушыларымен кездесу кезінде “Ақкөл” ғарыштық байланыс орталығының аумағына барды, деп хабарлайды мәжілістің баспасөз қызметі.
Өзінің жұмыс сапары барысында мәжілісмендер біздің Kazsat байланыс және хабар тарату жерсеріктерінің жердегі басқару кешенінің (ЖБК) жұмысы туралы хабардар болды. “Республикалық ғарыштық байланыс орталығы” АҚ басқарма төрағасы Бауыржан Құдабаев депутаттарға KazSat-2 және KazSat-3 ғарыш аппараттарын жерүсті басқару қызметтерінің қалай жұмыс істейтіні туралы ақпарат берді.
Сонымен қатар, мәжілісмендер ұшуды басқару орталықтарында, мониторинг басқармасы (МБО), аппараттық-бағдарламалық және метрологиялық қамтамасыз ету орталықтарында болып, инфрақұрылымды пайдалану қызметінің мүмкіндіктерімен танысты.
