Қазақстан Еңбек министрлігінде бұйрық бекітілді, оған сәйкес бес әлеуметтік топқа жататын азаматтар азық-түлік-тұрмыстық жиынтықтарының орнына ақшалай қаражат алады, деп хабарлайды ustinka.kz жаңалықтар ресурсы.
Азық-түлік-тұрмыстық жиынтықтардың орнына 2 айлық есептік көрсеткіш мөлшерінде 5,5 мың теңгеден астам ақша қаражаты берілетін азаматтардың тізімін жергілікті атқарушы органдар қалыптастыратын болады.
Еңбек министрлігі ақшалай қаражат 20 шілдеден бастап осы айдың соңына дейін азаматтардың банк карталарына аударылатынын айтты.
Еңбек министрлігінің ақпараты бойынша, бес әлеуметтік топқа атаулы әлеуметтік көмек алушылар қатарындағы 6-дан 18 жасқа дейінгі балалар, жасы 16-дан аспайтын мүмкіндіктері шектеулі балалар, сондай-ақ барлық жастағы бірінші, екінші және үшінші топтағы мүгедектер жатады.
Бес әлеуметтік топқа мүмкіндігі шектеулі бала тәрбиелеп отырған тұлғалар, сондай-ақ жұмыспен қамту мәселелері жөніндегі жергілікті органда тіркелген жұмыс істемейтін азаматтар жатады.
Еңбек министрлігінің өкілдері мұндай көмек коронавирус індетінің таралуы жағдайында азаматтарға қолдау көрсету үшін енгізілгенін атап өтті.
Сурет: azh.kz
