Ресейлік мамандар тобының құрамындағя мәскеулік дәрігер Денис Цветков Шымкент қаласындағы эпидемиологиялық жағдай туралы айтты. Бұл туралы otyrar.kz ақпарат агенттігі жазады.
Цветковтың айтуынша, Шымкентте коронавирус ауруының төмендеуі байқалады. Осыған байланысты ол қалада індеттің екінші толқыны болмауы керек деп санайды.
«Мен ешқандай қауіп көріп тұрған жоқпын, әсіресе дәрігерлер вирустың барлық кезеңдеріне дайын. Тұрғындардың иммунитеті тұрақты. Егер туристердің көп ағымы болмаса, күзде екінші толқын күтілмеуі тиіс, тіпті ол жағдайда сіздің қалаңыздың дәрігерлері қиындықтарға дайын», — деді дәрігер.
Қазіргі уақытта ресейлік мамандар тобы еліне оралуға дайындалуда. Олар осы демалыс күндері Шымкенттен кетуді жоспарлап отыр. Дәрігерлердің айтуынша, қазір қалада қалудың қажеті жоқ, өйткені қазақстандық дәрігерлер індетті өз бетінше жеңе алады.
Шымкент Қоғамдық денсаулық басқармасының басшысы Темірхан Варзилов өз кезегінде бүгінгі күні қаладағы дәріханалар мен медициналық мекемелерде барлық қажетті дәрі-дәрмектер бар екенін атап өтті.
Соңғы мәліметтерге сәйкес, Шымкентте коронавирус жұқтыру оқиғаларының саны 4869-ды құрайды. Республикамыз бойынша олардың саны 89078-ге жетті.
Сурет: otyrar.kz
