Ресей Федерациясының Қорғаныс министрі Сергей Шойгу Мәскеуде Тәуелсіз Мемлекеттер Достастығы елдерінің қорғаныс ведомстволары, Ұжымдық қауіпсіздік туралы шарт ұйымы мен Шанхай ынтымақтастық ұйымы басшыларының бірлескен отырысы өтетінін айтты, деп хабарлайды ТМД Атқару комитетінің баспасөз қызметі.
Бауырлас елдің Қорғаныс министрлігінің басшысы ТМД, ҰҚШҰ және ШЫҰ-ға мүше мемлекеттердің қорғаныс министрлерінің кездесуі қыркүйек айының басына жоспарланғанын айтты.
Қазір Қазақстан Республикасы Қорғаныс ведомствосының басшысы лауазымын Нұрлан Ермекбаев атқарады.
Кеше Ресейде «Патриот» конгресс-көрме орталығының аумағында «Армия-2020» халықаралық әскери-техникалық форумы басталды, ол 29 тамызға дейін жалғасады.
Бұл форумда біздің еліміздегі Ресейдің қажеттіліктерін жеткізушісі болып табылатын «Тыныс» кәсіпорны авиациялық жиынтықтаушы бұйымдарды және Киров атындағы зауыт өзінің жеке әзірлемелерін ұсынатын болады.
Сонымен бірге, әскери-техникалық ынтымақтастық жөніндегі Ресей федералды қызметтің баспасөз хатшысы Мария Воробьева бұрынырақ осы форум аясында Ресей тарапы қазақстандық серіктестермен әскери мақсаттағы өнімдерді жеткізу туралы келісімшартқа қол қоюды жоспарлап отырғанын айтқан болатын.
Сурет: docplayer.ru
