Қазақстан өкілдері Тәуелсіз Мемлекеттер Достастығы елдерінің қорғаныс ведомстволары басшылары кеңесі хатшылығының сарапшылар мәжілісіне қатысты, деп хабарлайды ТМД Атқару комитетінің баспасөз қызметі.
Сондай-ақ отырысқа Ресей Федерациясы Қарулы Күштерінің байланыс Бас басқармасының өкілдері шақырылды.
Мәскеуде өткен талқылаудың басында тараптар Достастық мемлекеттері арасындағы әскери саладағы ынтымақтастықтың қазіргі деңгейін қарастырды.
Кеңесте Беларусь аумағында өтетін ТМД елдері Қарулы Күштерінің байланыс басшыларының үйлестіру комитетінің алдағы отырысына ерекше назар аударылды.
Сонымен қатар, сарапшылар Достастық елдері Қарулы Күштерінің бірлескен байланыс жүйесін құру және оны дамытуды талқылады.
Сондай-ақ, пікірталас барысында қатысушылар келесі жылы ТМД елдері Қарулы Күштерінің байланыс тораптарымен бірлескен жаттығулар өткізу мәселелерін талдады.
ТМД елдерінің Қорғаныс министрлері кеңесі хатшылығының сарапшылары мемлекеттер арасында байланыс саласындағв өзара іс-әрекетті дамыту үшін қолда бар перспективаларды қарастырды.
