Ресей Федерациясының астанасында Шанхай Ынтымақтастық Ұйымына (ШЫҰ) қатысушы елдердің ұлттық үйлестірушілер кеңесінің бірінші отырысы өтті, оның барысында Ташкентте жоспарланған ШЫҰ үкімет басшылары кеңесінің отырысына дайындық мәселелері қаралды. Бұл туралы ҚР Сыртқы істер министрлігінің баспасөз қызметі хабарлады.
ҚР сыртқы саяси ведомствосының ақпараты бойынша, Қазақстан тарапынан отырысқа ШЫҰ қызметі мәселелері жөніндегі ұлттық үйлестіруші, ҚР СІМ ерекше тапсырмалар бойынша елшісі Ерлан Әлімбаев қатысты.
“Отырыста Ресейдің ШЫҰ-ға төрағалығының басымдықтары, мүше мемлекеттердің бастамаларын жүзеге асыру барысы, осы жылдың 31қазан-1қараша аралығында Ташкентте ұйым үкімет басшылары кеңесінің отырысына дайындық, сондай-ақ жоғары деңгейдегі басқа да іс-шараларға дайындық мәселелері талқыланды”, – деп хабарлады ҚР СІМ.
ҚР Сыртқы істер министрлігінде отырыста қазақстандық делегациясы Қазақстан Республикасының Тұңғыш Президенті Нұрсұлтан Назарбаев пен Президент Қасым-Жомарт Тоқаевтың ШЫҰ аясында алға қойған бастамаларын одан әрі іске асыруды ұсынғанын хабарлады.
