Қазақстанның Ресейдегі елшілігінің қызметкерлерінің айтуынша, Әлия Молдағұлова атындағы № 402 Мәскеу мектебінде атақты мерген қыздың қайтыс болуына 75 жыл толуына орай еске алу шарасы өтті.
Мектеп басшылығы мен оның оқушылары Кеңес Одағының Батырын күнтізбенің мерекелі күндерін ғана емес, әрдайым еске алады, дейді дипломаттар.
“Гимназиядағы оқытудың бір бағыты патриоттық тәрбие болып табылады. Сондықтан мұнда батырлар мен тарихи оқиғаларды білуге ерекше көңіл бөлінеді”, – деді елшілік қызметкерлері.
Бағдарлама аясында мектеп мұражайында экскурсия және гимназия оқушыларының қатысуымен әдеби-музыкалық кеш ұйымдастырылды. Іс-шараның қонақтары Ресейдегі Қазақстан елшілігінің қызметкерлері, Ұлы Отан соғысының ардагерлері, Мәскеудің қазақ диаспорасының өкілдері болды.
“№ 891 жалпы орта білім беру мектебі (кейіннен №402) 1971 жылы ашылды. 1999 жылы оқу орнына Кеңес Одағының Батыры Әлия Молдағұлованың есімі берілді. Қазақстан мектепті ұзақ уақыт бойы қамқорлыққа алып, оған жан-жақты көмек көрсетеді”, – деп нақтылады қазақстандық елшіліктің қызметкерлері.
Мектеп орналасқан көше де Әлия Молдағұлова атында.
Отан үшін шайқаста Әлия Молдағұлова жаудың 78 солдаты мен офицерін жойды. Қазақстандық снайпер қыз 1944 жылы қаңтарда Псков облысының Казачиха ауылында шайқаста ерлікпен қаза тапты.
Сулет: kaztag.kz
