Алматы облысының атқарушы билік органының өкілдері өңірге COVID-19-бен күресуге көмектесіп және қазақстандық әріптестерімен тәжірибе бөлісу үшін Мәскеу дәрігерлері келгенін хабарлады, деп жазады «ҚазТАГ» ақпараттық жүйесі.
Әкімшілікте Мәскеуден келген бір топ дәрігерлер Қарасай, Іле және Еңбекшіқазақ аудандарының орталық ауруханаларындағы жағдаймен танысты.
Медициналық мекемелерді аралау барысында мәскеулік мамандар біздің медицина қызметкерлерінің жұмысымен танысты, науқастарды емдеу әдістерін белгілеп, өз тәжірибесімен бөлісті және нақты ұсыныстар берді.
Ауруханаларды аралап шыққаннан кейін, ресейлік дәрігерлер Қазақстан мен Ресейде коронавирусты емдеу әдістері ұқсас деген қорытындыға келді.
«Қазақстандық әріптестердің біліктілігі бізден кем емес. Бірақ пандемия Ресейді бұрын қамтыды, онымен күресте біз тәжірибе жинадық. Сондықтан біз қазақстандық әріптестерге емдеудің табысты әдістерімен бөлісуге келдік. Өйткені эпидемиямен күрес — ортақ міндет», — деді Мәскеуден келген дәрігер Ирина Мачулина.
Бүгінгі таңда Алматы облысында COVID-19 ауруының 3379 жағдайы расталды, ал Қазақстан Республикасында олардың жалпы саны 65188.
