Біздің республикамызда «Атамекен» Ұлттық кәсіпкерлер палатасы төралқасының мұнай-газ өнеркәсібі комитетінің кеңесі өтті. Бұл туралы «ҚазТАГ» ақпарат агенттігі хабарлады.
Кеңес барысында мұнай компанияларының өкілдері Қазақстанның министрлер кабинеті әзірлеген дағдарысқа қарсы шараларды қайта қарауды өтінді, олардың негізгі бөлігі біздің мемлекетіміздің экономикасын қалпына келтіру жөніндегі Үкіметтің сәуір айындағы кешенді жоспарына қосылмаған.
Жиналғандардың алдында сөйлеген сөзінде KAZENERGY қауымдастығының атқарушы директоры Яромир Рабай мұнай компаниялары әзірлеген дағдарысқа қарсы шаралар орта мерзімді және ұзақ мерзімді кезеңдерге арналғанын атап өтті.
«Біздің ұсыныстарымыз шетелдік мамандардың, сала өкілдерінің болжамдарына сүйеніп, экономиканы екі жыл ішінде қалпына келтіруді ескере отырып әзірленді. Қазір біз Үкіметпен ұсыныстарды қайта талқылағымыз келеді», — деді Яромир Рабай.
Сондай-ақ, кеңесте қатысушылар назары Экологиялық кодекске аударылды, ол жоба қазіргі уақытта ел парламентінің төменгі палатасында қаралуда.
Кодекс туралы айта келе, мұнайшылар мұнай компанияларына қолданыстағы өндірістік қуаттарды жаңғырту үшін қажетті шығындарды өтеуге байланысты мәселе әлі күнге дейін шешілмегенін атап өтті.
«ҚазМұнайГаз» ҰК» АҚ басшысы Алик Айдарбаев мәлімдегендей, егер ел басшылығы мұнай өндіруші кәсіпорындар бойынша шаралар қабылдап, қаржылық қолдау көрсетпесе, онда оларды экологиялық жаңғырту үшін соңғы тұтынушыларға төлеуге тура келеді.
Сурет: m.gazeta.ru
