ҚМГ румын активінде «Петромидиа» МӨЗ кешенді жаңғырту жүргізілді.
«ҚазМұнайГаз» ҰК АҚ, сондай-ақ Атырау және Павлодар МӨЗ өкілдері Румыниядағы «KazMunayGas International» өндірістік активтері мен корпоративтік орталығына барды, деп хабарлайды Zakon.kz.
Бухарестегі «KMG International» бас кеңсесінде компанияның соңғы бес жылдағы қызметінің нәтижелері ұсынылып, орта мерзімді кезеңге арналған даму жоспарлары айтылды. Сондай-ақ, «ҚазМұнайГаз» өкілдері Корпоративтік даму жобасын іске асыру кезеңдерімен танысты, оның шеңберінде KMGI сатып алу, құжат айналымы, қаржы, ИТ, маркетинг, HR саласындағы бизнес-процестерді оңтайландыру және цифрлау жүргізеді.
— Қазақстандық делегация сапарының негізгі мақсаты ноу-хаумен және барлық кәсіпорындарға пайда әкелетін практикалық идеялармен алмасу болып табылады. Өткен жылы біз үш мұнай өңдеу зауытын жаңғыртуды аяқтадық, осы кезеңде технологиялар мен білімнің өзара трансферті тәжірибе беру тұрғысынан пайдалы, өйткені біз өндірістік және корпоративтік топтың бір бөлігі болып табыламыз», – деп атап өтті «ҚазМұнайГаз» ҰК АҚ мұнай өңдеу жөніндегі басқарушы директоры Мұратжан Мұсайбеков.
Соңғы үш жылда өндірістік топ барлық қаржы-операциялық көрсеткіштер бойынша тұрақты өсімді көрсетіп отыр, ал өткен жылы Румын зауытында 11 өндірістік рекорд орнатылды.
КМГ Румын активінде «Петромидиа» МӨЗ кешенді жаңғырту жүргізілді, зауытта сандық технологиялар мен технологиялық процесті жетілдірілген басқару жүйесін (Advanced Process Control) енгізу жалғасуда.
Қазақстандық делегациясы компанияның KMGI бірыңғай сандық платформасын құру жөніндегі ағымдағы жобаларын жоғары бағалады, ол барлық бизнес-тізбек бойынша – мұнай өңдеу, сату және логистика саласында шамамен 100 ИТ-жобаны жүзеге асыруды көздейді.
Қазақстандық делегация сапарының қорытындысы үздік еуропалық тәжірибелерді қолдану, корпоративтік және өндірістік бизнес-үдерістерді кешенді трансформациялау саласында құзыреттермен алмасу мақсатында ҚМГ компаниялар тобы деңгейінде ынтымақтастықты жалғастыру туралы уағдаластық болды.
Сондай-ақ жаңғыртылған қазақстандық МӨЗ-де Industry 4.0 бағдарламалық цифрлық шешімдер мен құралдарын енгізу мәселелері бойынша инженерлер мен ІТ-мамандар арасындағы өзара іс-қимылды кеңейту мүмкіндіктері қаралатын болады.
