Мәдениет және спорт министрлігінің басшысы Ақтоты Райымқұлова ұлттық қоғамдық сенім кеңесі мүшелерімен қазақстандық өнерді дамыту мәселелерін талқылады.
Кездесу барысында қатысушылар тіл саясатын, туризм мен киноны дамытуға қатысты мәселелерді қарастырды. Сонымен қатар, тараптар жақын арада ведомство жанынан мәдениет және спорт министрлігінің жұмысын бақылайтын жаңа кеңес құру керек деген ортақ пікірге келді.
Жаңа кеңестің құрамына белгілі қазақстандық жазушылар, қоғам қайраткерлері мен журналистер кіреді.Кеңестің нақты құрамы әзірше бекітілген жоқ.
Қоғамдық сенім Ұлттық кеңесінің мүшесі Қазыбек Иса алдын ала дайындалған кеңес құрамының тізімде 23 адам бар екенін айтты.
“Мен оған белгілі әдебиет, өнер қайраткерлерін енгізуді ұсындым. Атап айтқанда, Қазақстан Жазушылар одағынан Ұлықбек Есдәулет. Суретшілерден-Жанұзақ Мұсәріп. Сондай-ақ, атақты ақындар Исраил Сапарбайдың, Смағұл Елубайдың және Шәмші Паттиевты тізімге қосуды ұсынамын”, – деді ол.
