Біздің республика парламентінің төменгі палатасы Қазақстанның 2021-2023 жылдарға арналған үш жылдық бюджетінің жобасын қарады. Бұл туралы Мәжілістің баспасөз қызметі хабарлады.
Осы жоба қаралған пленарлық отырыс барысында Қаржы министрлігінің басшысы Ерұлан Жамаубаев педагогтар мен медицина қызметкерлерінің жалақысын арттыруды көздейтінін мәлімдеді.
Министрдің айтуынша, келесі жылы ел қазынасы шығындарының 50,4%-ы дәрігерлердің жалақысын көтеруге, сондай-ақ халыққа әлеуметтік көмек көрсетуге жұмсалады.
Сонымен қатар, ол мұғалімдердің жалақысын арттыруға 3,5 триллион теңге, оның 728 миллиард теңгесі 2021 жылға қарастырылғанын нақтылады.
Сондай-ақ, Парламенттің төменгі палатасының отырысы барысында Жамаубаев шұғыл шығындарға арналған резерв қаражатының 25,5 миллиард теңгеге азаюының арқасында еліміздің ауылдарындағы медициналық мекемелердің құрылысы мен күрделі жөнделуіне жұмсалатын шығындар ұлғайғанын айтты.
Дәрігерлер мен мұғалімдердің жалақысын арттыруды көздейтін үш жылдық бюджет жобасын қарастырып, мәжілісмендер оны мақұлдады.
Сурет: vogazeta.ru
