Қазақстан президенті Қасым-Жомарт Тоқаев өзінің Ұлыбритания премьер-министрі қызметіне сайлануына байланысты Борис Джонсонға құттықтау жеделхатын жолдады. Бұл туралы Қазақстан президентінің баспасөз қызметі хабарлады.
«Тори билеуші партиясының көшбасшысы сайлауында сіздің сенімді жеңісіңіз Сіздің тамаша жетістіктеріңіздің және Ұлыбританияның игілігі үшін адал қызмет етуіңіздің белгісі болып табылады», — деді Тоқаев өз жеделхатында.
Мемлекет басшысы қазіргі уақытта Қазақстан мен Ұлыбритания өзара ынтымақтастықты дамытып келе жатқанын айтты. Тоқаев біздің еліміз Ұлыбританиямен екіжақты қарым-қатынасты одан әрі нығайтуға қызығушылық танытатынын мәлімдеді.
Соңында Қасым-Жомарт Тоқаев жаңадан сайланған премьер-министрге осындай жауапты қызметте үлкен табыстар тіледі.
