Ресей Федерациясының астанасындағы біздің мемлекетіміздің елшілігінің қолдауымен және “Искра Победы” жобасын ұйымдастырушылар Ұлы Отан соғысына қатысқан қазақстандықтар туралы интернет-ресурс дайындады. Мемориалдық сайт 1941 жылғы 22 маусымда шыққан “Казахстанская правда” газетінің стилистикасында жасалған. Бұл туралы rambler.ru ақпарат агенттігі хабарлайды.
Ресурстың басты бетінде қазақ тілінде әскери ән шырқалады. Жазу үшін, тізе бүккен Берлинде Рейхстагта жазған сарбаздардың көптеген жазуларынан жиналған “Май” шрифті қолданылған.
“Тірі бейнелер, соғыс туралы ащы шындық, жылдар өтсе де ұмытылмайтын соғыс зардабы – осының бәрі есте сақталып, Отанға деген махаббат ұшқынына айналды, ең қорқынышты шайқастар мен соғыстарда сенім беріп, жеңіске жетелейді. Бауырлас халықтармен бірге фашизммен күресіп, жеңіске жеткен отандастарымыздың ерлігі мен батылдығын жүрегімізде мәңгі сақтайық!”- дейді жобаны ұйымдастырушылар.
Бүгінгі күні ақпараттық ресурста Кеңес Одағының Батырлары Бауыржан Момышұлы мен Әлия Молдағұлованың, сондай-ақ Қазақстанның халық батырлары Рақымжан Қошқарбаев пен Бақтұрас Бейсекбаевтың есімдері бар.
