Елордалық еріктілер Ұлы Отан соғысына қатысқан ардагерлерді 8 наурыз Халықаралық әйелдер күнімен құттықтады, деп хабарлайды zakon.kz ақпараттық агенттігі.
Нұр-Сұлтан еріктілері қарттар үйінде мерекелік концерт ұйымдастырды. Олар Ұлы Отан соғысының 10 ардагері — Нонна Двойченко, Екатерина Плужникова, Анна Губарева, Анна Палюх, Рауза Ширванова, Раиса Максименко, Раиса Сафоничева және Елена Балкарованы құттықтады.
Ардагерлер соғыс кезінде өз еріктерімен майданға аттанып, күнде Кеңес жауынгерлерінің өмірін сақтап қалуға тырысып, жараланғандарға қамқор болғандарын айтты. Олар медицина қызметкерлері, мергендер, байланысшылар, барлаушылар, топографтар болды, жаяу әскерде қызмет етті.
Еріктілер қозғалысының өкілдері ардагерлерді Халықаралық әйелдер күнімен құттықтап, оларға мерекелік сыйлықтар табыс етті.
Бұған дейін Қазақстанның бас қаласының әкімі Алтай Көлгінов Ұлы Отан соғысының ардагері Нұршид Ахметованы келе жатқан 8 наурыз Халықаралық әйелдер күнімен құттықтады.
Әкіммен кездесу барысында Нұршид Ахметова Ұлы Отан соғысы жылдарында барлау бөлімінің медициналық бөлімінде қызмет еткенін айтты.
