Талдықорған қаласының Көрме орталығында «Ұлы Дала тарихы» атты елімізде және шет елдерде танымал Қазақстанның қазіргі заманғы өнер суретшілерінің шығармалары көрмесінің ашылуы өтті.
Іс-шараны Алматы облысының әкімдігі Тұңғыш Президенттің «Ұлы даланың жеті қыры»атты мақаласын жүзеге асыру аясында ұйымдастырды.
Көрмеге 12 суретшінің 100-ден астам жұмыстары қойылды. Олар: Алмагүл Меңлібаева, Сәуле Сүлейменова, Рашид Нұрекеев, Асхат Ахмедьяров, Сәуле Дүйсенбина, Әлібай Бапанов, Молдақұл Нарымбетов, Виталий Симаков, Саид Атабеков, Смаил Баялиев, Арыстанбек Шалбаев сияқты қазіргі заманғы өнердің негізін қалаушылар. Олармен бірге куратор, ғылым докторы, өнертанушы Юлия Сорокина және халықаралық куратор — Лиза Ахмади келді.
Айта кетейік, бұл Қазақстандағы осындай ауқымдағы алғашқы аймақтық жоба. Қазіргі уақытта, Талдықорған суретшілер тобының барған үшінші қаласы. «Жылжымалы көрме» бастамашылары Қазақстанның басқа өңірлеріне баруды жоспарлап отыр.
Көрмеге қатысушы әрбір суретші өз тарихын қазіргі заман мәнмәтініне көшіре отырып, жаңа техникалардың, тәжірибелердің және әлемдік өнер материалдарының көмегімен өзектілендіре отырып баяндайды. Қазақстанның заманауи өнері – әлемдік ең беделді алаңдарда – мұражайларда, галереяларда, биенналда танылған ерекше құбылыс», — дейді шараны ұйымдастырушы Динара Амангельдина.
Мысалы, Саид Атабековтың жұмысы. Мұнда бесіктерден жасалған арканы көруге болады.
Аңыз бойынша тар жартас бар екен. Егер оны бойлай өтсеңіз, онда өз ұрпағын жалғастыруды қалайтын қыздарға әлем ана болу бақытын береді.
Әрі қарай, көрермендер Сәуле Дүйсенбинаның «жастығын» көре алады. Бұл батырлар, жануарлар бейнеленген көптеген ауа жастықтары. Төбеден еденге дейін созылған зефир экспозициясы жануарлардың өлімі сияқты мәселені баяндайды.
Бірнеше қатарға созылған қазандар біздің әжелеріміздің толқуын және қамқорлығын бейнелейді. Суретші А. Ахмедияров «Әженің көзі» жұмысымен осылай жылы еске алуып, ауылға әжелерге барғаны туралы естеліктерін айтады.
Көрменің негіздемесі — «Өнерге жақын бол!».Адамдар гаджеттерді тастап, рухани байыңыз.Сіз суретшілермен келісесіз немесе келіспейсіз. Бірақ сіз эмоция алып, өзіңіз туралы біле аласыз»,-деп жалғастырды ұйымдастырушы.
Заманауи және өнер әлемінен Сіз 13 тамызға дейін ләззат ала аласыз. Көрмеден басқа, мұнда шеберлік сыныптары, дәрістер өткізіледі. Кіру тегін.
