«Лукойл» акционерлік қоғамы, Қазақстан Энергетика министрлігі және «Қазмұнайгаз» акционерлік қоғамы Каспий теңізінің Қазақстандық секторындағы Жеңіс блогында көмірсутегін барлау мен өңдеуге келісімшарт жасасты, деп хабарлайды Лукойлдың баспасөз қызметі.
Жобаның операторы — «Жеңіс Оперейтинг» жауапкершілігі шектеулі серіктестігі (50 пайыздан үлесі бар, Лукойл мен ҚазМұнайГаздың бірлескен кәсіпорны).
Келісімшартқа сәйкес, негізгі ең төменгі міндеттемелері − бір барлау ұңғымасын бұрғылау және сейсмикалық барлау жұмыстарын жүргізу.
Жоба ресурстық базаны кеңейтудегі маңызды қадам болып табылады.
Бұған дейін хабарланғандай,» Лукойл» мен «ҚазМұнайГаз» Каспий теңізіндегі Жеңіс блогын игеру үшін бірлескен кәсіпорын құрып, жыл бойы геологиялық барлау жұмыстарын жүргізеді.
Ақпан айында тараптар Жеңіс учаскесінде бірлескен қызмет шеңберінде көмірсутектерін барлау мен өндіру үшін жер қойнауын пайдалану құқығын беруге арналған Жеңіс жобасы бойынша келіссөздер хаттамасына қол қойды.
Жүргізілген келіссөздер шеңберінде тараптар Қазақстанның пайдасына қол қойылатын бонусты төлеу және жер қойнауын пайдаланушының кадрлардағы (басшылар 50 пайыз, құрылымдық бөлімшелер басшылары 80 пайыз, мамандар 90 пайыз, білікті жұмысшылар 100 пайыз), сондай-ақ жұмыстар мен қызмет көрсетулердегі 50 пайыздан кем емес жергілікті қамту үлесі бойынша міндеттемелері сияқты уағдаластықтарға қол жеткізілді.
Өткен жылдың 5 маусымында ҚМГ мен «Лукойл» арасында Жеңіс жобасы бойынша қағидаттар келісімі жасалып, бірлескен барлаудың негізгі шарттары бекітілді. 30 қарашада компаниялар бірлескен жұмыс және қаржыландыру туралы келісімге қол қойды.
Жеңіс блогы 75-100 метр тереңдікте, жағадан 80 километр және Ақтау портына дейін 180 километр қашықтықта орналасқан. Лицензиялық учаскенің ауданы — 6848 шаршы шақырым.
Сурет: astravolga.ru
