Бүгін Мемлекеттік қызмет істері және сыбайлас жемқорлыққа қарсы іс-қимыл агенттігі Білім және ғылым министрлігі Ұлттық тестілеу орталығының бас директорын ұстады. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметі хабарлады.
“Ағымдағы аптада Ұлттық бюро ҚР БҒМ “Ұлттық тестілеу орталығы” РМҚК басшылығы тарапынан сыбайлас жемқорлықтың парақорлық жолын кесті. Орталық білім сапасын бағалау жүйесі шеңберінде емтихандардың барлық түрлерін ұйымдастырып, өткізумен айналысады. Қазіргі уақытта орталықты 2016 жылы басқарған Ұлттық тестілеу орталығының бұрынғы бас директоры білім беру жүйесінің қызметіне байланысты Мемлекеттік сатып алуды өткізу кезінде үлестес компаниялардың мүдделерін жақтағаны үшін құны 9 миллион теңгеден асатын Toyota Camry маркалы жаңа автокөлік түріндегі пара алды деп күдіктенуде. Автомашина түріндегі пара алынып, қамауға алынды”, – деп хабарлады Мемлекеттік қызмет істері және сыбайлас жемқорлыққа қарсы іс-қимыл агенттігінде.
Сондай-ақ агенттік қызметкерлері алған пара туралы барлық дәлелдемелерді жинап, сотқа дейінгі тергеу жедел түрде жүзеге асырылуда.
“Сондай – ақ, осыған ұқсас заңсыз әрекеттері үшін 2017-2018 жылдар аралығында делдал арқылы жүйелі түрде аса ірі мөлшерде пара алған аталған ұлттық тестілеу орталығының бас директорына қатысты сотқа дейінгі тергеу жүргізілуде”, – деп хабарлады Мемлекеттік қызмет істері және сыбайлас жемқорлыққа қарсы іс-қимыл агенттігінде.
Айта кетейік, соңғы үш жылда білім саласында 620 сыбайлас жемқорлық фактісі анықталған, ал келтірілген шығын көлемі 1,5 миллиард теңгені құрайды.
Сурет: tengrinews.kz
