Коронавирус індетіне байланысты біздің елімізде оқушылардың басым бөлігі қашықтықтан оқуға кірісті. Алайда, көптеген ата-аналар оқытудың жаңа форматын мақұлдамады, деп хабарлайды timeskz.kz ақпарат ресурсы.
Сitizengo.org платформада Президент Қасым-Жомарт Тоқаев пен Білім министрлігінің басшысы Асхат Аймағамбетовтың атына өтініш түсті, онда ата-аналар елімізде онлайн-оқытуды тоқтатуды сұрайды.
“Біз қазіргі форматтағы электронды білім беру жүйесін балалар үшін – олардың денсаулығы, психикасы, ақыл-ойы, әлеуметтік бейімделуі мен дүниетанымы үшін қауіпті деп санаймыз. Ұлтты құлдырату және оны жою процесі жүріп жатыр!”- делінген петиция.
Сондай-ақ, хатта қазақстандық оқушылардың ата-аналары мектепке барып оқитын дәстүрлі оқыту форматына қайта оралуды жақтайтыны жазылған.
1900-дан астам адам қол қойған өтініш Білім министрлігі өкілдерінің назарынан тыс қалмады. Оған ведомствоның баспасөз хатшысы Гаухар Омарбек түсініктеме берді.
Ол республикадағы жағдай барлық мектептерді ашуға және оқушыларға онда баруға мүмкіндік бермейтінін айтты. Баспасөз хатшысы санитарлық дәрігерлер дәстүрлі оқыту форматына оралуға рұқсат берісімен, тиісті жұмыс бірден басталатынын баса атап өтті.
Сурет: mixnews.lv
