ҚР Ұлттық экономика министрі Әсет Ирғалиев елімізде бизнесті қолдау бойынша шұғыл шаралар қабылданатынын, сондай-ақ қолжетімді кредиттеуді қамтамасыз ету жалғастырылатынын хабарлады.
“Макроэкономикалық тұрақтылықты қамтамасыз ету шеңберінде мемлекеттік шығыстардың тиімділігін арттыру және салықтық-кедендік әкімшілендіруді жақсарту бойынша шаралар қабылдау қажет. Жаңа инвестициялық циклды қалыптастыру экономиканы қалпына келтіру және одан әрі сапалы дамыту үшін базалық шарт болып табылады”, — деп Әсет Ерғалиев Үкімет отырысы кезінде мәлімдеді.
Министр Орталық және жергілікті атқарушы органдар, сондай-ақ ұлттық холдингтер сыртқы және ішкі инвестицияларды тарту бойынша үйлесімді жұмыс істеуі қажет екенін атап өтті.
“Шағын және орта бизнес жұмыс орындарын құрудың және халықтың табысын арттырудың негізгі көзі болып табылады. Осыған байланысты Бизнесті қолдау бойынша шұғыл шаралар қабылданатын болады. Қолжетімді несиеуді қамтамасыз ету жалғастырылатын болады. Жүйелі мәселелерді шешу аясында қайта реттеу, жекешелендіру және бәсекелестікті дамыту бойынша шаралар қабылданатын болады”, – деп Ә.Ерғалиев атап өтті.
Министрдің айтуынша, соңғы трендтер базалық импортқа тәуелділікті төмендету және экономиканың тұрақтылығын қамтамасыз ету үшін ішкі сұраныс әлеуетін іске асыру қажеттілігін көрсетті.
“Жүргізіліп жатқан контрциклдық макроэкономикалық саясат шеңберінде сапалы инфрақұрылымды белсенді дамыту қажет. Бұл қосымша жұмыс орындарын құруға, іскерлік белсенділікті ынталандыруға, сондай — ақ экономиканың әлеуетті өсуін арттыру үшін негіз құруға мүмкіндік береді”, – деді ведомство басшысы.
Сурет: inform.kz
