Ұлттық банк қызметкерлері 2018 жылғы жұмыс қорытындысы туралы айтты. Өткен жылы Ұлттық Банк 17 қазақстандық банкке 69,8 миллион теңге айыппұл салды. 167 шектеулі ықпал ету шаралары және 108 әкімшілік айыппұл қолданылды.
Елдің бас қаржы реттеушісі: «Астана Банкке» 31 миллион теңгеге, «Qazaq Bankке» 13,3 миллион теңгеге, «Эксимбанкке» 9,6 миллион теңгеге, «ForteBankке» 3,37 миллион және «АТФ Банкке» 2,52 миллион теңге айыппұл салды.
Өткен жылы банктер мынадай бұзушылықтарды жиі жасады:
— кепілге салынған мүлікті (ипотеканы) соттан тыс тәртіппен сату тәртібін сақтамау,
— клиенттің банк шотына заңсыз тыйым салу,
— клиенттің банктік шотынан негізсіз ақша өндіріп алу,
— банк клиентінің ағымдағы шотынан үшінші тұлғаның банктік шотына ақшаны негізсіз аудару,
— клиенттің төлем карточкасын негізсіз оқшаулау.
Сулет: total.kz
