Ерболат Досаев Үкіметтің кеңейтілген отырысында жедел төлемдер жүйесін және төлем карточкаларының банкаралық жүйесін құру бойынша жұмыс жүргізілетінін атап өтті.
Оның айтуынша, 2020 жылы коронавирус және онлайн-қызметтерге сұраныстың артуы жағдайында қолма-қол ақшасыз төлемдердің 2,5 есе 35,3 трлн теңгеге дейін айтарлықтай өсуі байқалды.
«2021 жылы жедел төлемдер жүйесін және төлем карточкаларының банкаралық жүйесін құру бойынша жұмыс жүргізілетін болады. Аталған шараларды іске асыру қолма — қол ақшасыз төлемдерді қабылдау шығындарын 2 есе азайтуға, Ел ішіндегі төлемдерді жеделдетуге және қолма-қол ақшасыз төлемдерді пайдалануды кеңейтуге мүмкіндік береді», — деп Ұлттық банк төрағасы толықтырды.
Бұдан басқа, 2020 жылы цифрлық қаржы нарығының іргетасын қалау мақсатында 2020-2025 жылдарға арналған қаржылық технологиялар мен инновацияларды дамыту жөніндегі тұжырымдама қабылданды.
Сурет: zakon.kz
