Ұлттық банк төрағасының орынбасары Олег Смоляков шаралар кешені мен «Цеснабанк»-ке жаңа инвесторды тарту оны «сауықтыруға» мүмкіндік бергенін айтты. Банк Ұлттық банктің ең төменгі талаптарынан асатын капиталдандыру және өтімділік көрсеткіштеріне ие.
«Цеснабанкте» жоғары өтімді активтердің елеулі қоры бар, бұл банкке клиенттер мен кредиторлар алдындағы өз міндеттемелерін толық көлемде орындауға мүмкіндік береді. Сонымен қатар, банк міндеттемелерінің көпшілігі банкті қорландырудың тұрақты базасымен қамтамасыз ете отырып, ұзақ мерзімді сипатқа ие. Бұған, жүйе бойынша орташа көрсеткіштен бірнеше есе асып түсетін, банк облигацияларының депозиттерге қатынасын көрсетеді, , ол 20 пайыздан аспайды», — деді Олег Смоляков.
6 ақпанда «Цеснабанк» акцияларының бақылау пакетін First Heartland Securities сатып алғаны хабарланған болатын.
«Цеснабанк» үлесіне агроөнеркәсіптік саланың кредиттік портфелінің 65 пайызы келді. Сыртқы нарықтардағы тез өзгеріп жатқан жағдайдың қысымымен ауыл шаруашылығы өндірушілерінің қаржылық тұрақтылығы нашарлады. Бұл банктің қаржылық тұрақтылығына әсер етті. Жүргізілген шаралардың нәтижесінде банк капиталына жаңа инвесторды тарту, сондай-ақ ауыл шаруашылығы тауарларын өндірушілерді қосымша қолдау және оларды жедел сауықтыру үшін жағдай жасау мүмкін болды», — деді Ұлттық банк қызметкерлері.
Сулет: nur.kz
