Қазақстан Республикасы Ұлттық Банкінің 2021-2022 жылдарға арналған зерттеу бағдарламасының қорытындысы бойынша елде цифрлық валюта шығару орынды ма деген мәселені қарау жоспарлануда. Бұл туралы қаржы реттеушісінің баспасөз бөлімінде айтылды.
“2021 жылға арналған басымдықтарда халықаралық тәжірибені ескере отырып, орталық банктің цифрлық валютасын шығарудың орындылығын және оның монетарлық саясат пен қаржылық тұрақтылыққа әсерін зерттеу жүргізілсін”, – деп ведомствода атап өтті.
Бұдан басқа, Ұлттық банк төлем саласындағы, сондай-ақ банктер мен қаржы-технологиялық компаниялардың рөлін ескере отырып, төлем қызметтерін қайта құру саласындағы соңғы үрдістер мен технологияларды талдауға ниетті.
“Әлемдегі ұлттық төлем жүйелерін жаңғырту саласында жүргізіліп жатқан реформалар және олардың бәсекелестікке және ішкі Қаржы нарығын дамытуға әсері талданатын болады”, – деп атап өтті Ұлттық Банкте.
Бұдан бұрын хабарланғандай, еліміздің Ұлттық Банкінде технологиялық инфрақұрылымдар мен реттеуші тәсілдердің барлық түрлерін ескере отырып, цифрлық валютаны енгізудің әртүрлі нұсқаларын көру бойынша баяндама әзірленуде. Қаржылық реттеушіде орталық банктің цифрлық валютасын біртіндеп енгізу жөніндегі жоба іске асырылатын болады.
Бұл баяндама биылғы жылдың екінші жартысында жарияланбақ.
Сурет: kursiv.kz
