Қазақстан Ұлттық Банкі келесі жылдан бастап біздің республикамызда табысы төмен азаматтарға қарыздар берілмейтінін айтты. Бұл туралы Қазақстан Ұлттық банкінің баспасөз қызметі хабарлады.
Ұлттық Банктің ақпараты бойынша, бүгінгі таңда қазақстанда тұтынушылық несиелеудің баяу өсуі байқалуда. Атап айтқанда, егер 2017 және 2018 жылдары ол 31% және 28% құраса, осы жылдың 10 айында ол тек 8%-ды құрады. Тұтыну қарыздары портфелінің ЖІӨ-ге қатынасы туралы айта келе, бұл көрсеткіш шамамен 9,2%-ды құрайды.
Осыған орай, Қазақстан Ұлттық Банкінде тұтынушылық кредит берудің оңтайлы өсу қарқынын қамтамасыз ету мақсатында реттеуші шараларды іске асыру туралы шешім қабылданды.
Мәселен, Президент қол қойған «Қазақстан Республикасының кейбір заңнамалық актілеріне қаржы нарығын реттеу және дамыту, микроқаржы қызметі және салық салу мәселелері бойынша өзгерістер мен толықтырулар енгізу туралы» Заңға сәйкес, келесі жылдың 1 қаңтарынан бастап несие берудің барлық субъектілері реттелген бір секторда жұмыс істеп, борыштық жүктеме коэффициентін сақтайтын болады.
Сондай-ақ, Ұлттық Банк қарыз алушылардың борыштық жүктемесін есептеу тәсілдерін өзгертті, атап айтқанда табысы ең төменгі күнкөріс деңгейінен төмен азаматтарға қарыз беруге тыйым салуды енгізді.
Сурет: qazaqstan.kz
