Мемлекет басшысы Қасым-Жомарт Тоқаев Қазақстан Ұлттық банкі төрағасы Ерболат Досаевты қабылдады. Бұл туралы Ақорданың баспасөз қызметі хабарлады.
Кездесу барысында Досаев Қазақстан Ұлттық Банкінің қызметі мен еліміздің қаржы нарығының соңғы 9 айдағы жағдайы туралы баяндады. Сонымен қатар, мемлекет басшысы инфляцияны мақсатты дәліз шегінде сақтауға бағытталған шаралар туралы хабардар етілді.
Ұлттық банк басшысы Президентке жеңілдікті несиелеу бағдарламасын жүзеге асыру және екінші деңгейлі банктер активтерінің сапасына тәуелсіз бағалау жүргізу туралы хабарлады.
Сонымен қатар, әңгіме барысында Қасым-Жомарт Тоқаевқа оның тапсырмаларының орындалу барысы туралы, атап айтқанда, қиын өмірлік жағдайға тап болған азаматтарға тұтынушылық несиелер бойынша берешек пен өсімпұлды кешіру жұмыстарының қорытындылары туралы ақпарат берілді.
Кездесуді қорытындылай келе, Қазақстан Президенті Ұлттық банк басшысына еліміздің қаржы секторын тиімді жұмыспен қамтамасыз етуді тапсырды.
Сурет: 24.kz
