Қазақстан Республикасы Ұлттық Банкі басшысының орынбасары Әлия Молдабекова біздің мемлекетіміз жаһандық қаржы нарықтарымен терең интеграцияланған, бірақ сонымен бірге оған ішкі ерекшеліктер де тән екенін айтты.
Оның айтуынша, жетекші мемлекеттердің банктері өз экономикаларында белсенділікті қолдау үшін ынталандыру шараларын жалғастыруда, ал үкіметтер коронавирустық пандемияның салдарын азайту үшін қосымша фискалдық шаралар қабылдау мүмкіндігін қарастыруда.
“Әлемдегі ең ірі мұнай өндіруші Агамсо мәлімдемесі бойынша, азиялық нарық тарапынан мұнайға деген сұраныс қалпына келтіріліп, дағдарысқа дейінгі деңгейге жақын. Мұның бәрі мұнай нарығы үшін және сәйкесінше біздің валюта нарығы үшін қолдау факторы болып табылады”, – деді Молдабекова.
Оның айтуынша, Ұлттық Банк күн сайын оқиғалардың дамуын қадағалап, қаржылық тұрақтылықты қамтамасыз ету үшін барлық құралдарды пайдаланады.
“Үкіметпен бірлесіп, түрлі сценарийлер, соның ішінде әлемдік экономикадағы жағдай нашарлаған жағдайда да пысықталды”, – деп Ұлттық Банк басшысының орынбасары түйіндеді.
Сурет: altaynews.kz
