Қазақстан Ұлттық Банкінің Төрағасы Ерболат Досаев республикада барлық ірі банктерге тексеру жүргізілетінін айтты.
Досаевтың айтуынша, Ұлттық банк еліміздің әрбір ірі банкін тексеріп, бағалайды. Бағалаудың өзі Еуропалық Орталық Банкінің әдіснамасы бойынша жүргізілетін болады.
1 тамызда банктерді бағалауға кірісеміз. Жұмыс қараша айының соңында – желтоқсан айының басында аяқталады деп болжануда. Үкіметпен шаралар мен ұсынымдар қабылдау бойынша іс-шаралар жоспары дайындалады», — деді Ұлттық банк төрағасы.
Қазақстан Ұлттық Банкі банктерді тексеру жұмысы жаңа инвесторларды тартуға ықпал етеді деп санайды. Ұлттық Банктің мәліметтері бойынша, тексерістен кейін Қазақстан Республикасының банк жүйесіне деген сенім арта түседі.
