Ағымдағы жылдың ақпан айында БҰҰ Қауіпсіздік Кеңесі қазақстандық тіркеумен әуе кемелерімен Ливияға қару жеткізуге эмбаргоға қатысты БҰҰ Қауіпсіздік Кеңесінің санкцияларын бұзуға қатысты хаттарды ұсынды. ҚР Индустрия және инфрақұрылымдық даму министрлігі құқық қорғау органдарымен бірлесіп, БҰҰ Қауіпсіздік Кеңесінің эмбаргосын қазақстандық тіркеумен әуе кемелерімен бұзған 3 авиакомпания бойынша жұмыс жүргізді («Azee Air» ЖШС, «Sigma Airlines» ЖШС, «Jenis Air» ЖШС), деп «ҚазАқпарат» ХАА ИИДМ баспасөз қызметіне сілтеме жасап хабарлайды.
Пайдаланушылардың әуе кемелерінің меншік иелері Біріккен Араб Әмірліктері мен Британ Виргин аралдарында тіркелген шетелдік компаниялар («AGANYA LTD» (БАӘ), LTD «Infinitive Seal Inc.»(Британдық Виргин аралдары) және «space CARGO INC.»(БАӘ).
Көрсетілген әуе кемелерін пайдаланушылардың әуе кемелері Таяу Шығыс өңірінде шетелдік тапсырыс берушілердің мүдделері үшін пайдаланылды. Әуе кемелерінің негізгі базасы Біріккен Араб Әмірліктері болып табылады.
БҰҰ Қауіпсіздік Кеңесінің санкциясымен елге рейстер үшінші елдердің аумағынан жүзеге асырылды.
Халықаралық практикаға сәйкес шетелде қалыптастырылған тасымалданатын жүктердің сипатын пайдаланушы мемлекет, яғни Қазақстан тарапы бақыламайды, керісінше ұшулар жүзеге асырылатын шет мемлекеттердің мемлекеттік органдары бақылайды.
Қазақстан Республикасы заңнамасының, ИКАО стандарттары мен ұсынылатын практикасының талаптарын сақтау тұрғысынан тексеру нәтижелері бойынша Қазақстанның авиациялық әкімшілігі азаматтық әуе кемелерінің көрсетілген 3 пайдаланушысы сертификатының, оның ішінде авиациялық әкімшіліктің бас директорының 2020 жылғы 29 мамырдағы №167/1 бұйрығына сәйкес «Sigma Airlines» ЖШС пайдаланушы сертификатының қолданылуын тоқтата тұрды.
Қазақстан Республикасының Сыртқы істер министрлігі 2020 жылғы 5 маусымда БҰҰ Қауіпсіздік Кеңесінің Ливия жөніндегі комитетінің жеткізілімге эмбаргоны бұзуға қатысты баяндамасын ұсынды.
БҰҰ Қауіпсіздік Кеңесінің баяндамасында жүргізіліп жатқан тергеу барысында қазақстандық билік пен авиациялық әкімшіліктің ашықтығы мен ынтымақтастығы үшін БҰҰ сарапшылар тобының алғысы атап өтілді.
Жанжалдар аймақтарына немесе БҰҰ Қауіпсіздік Кеңесінің санкциясындағы елдерге қару-жарақ пен әскери техниканы жеткізудің «ашық емес схемаларына» тартылған жосықсыз шетелдік авиакомпаниялардың әрекеттерінен біздің еліміздің имиджін сақтау мақсатында жүк тасымалдауға және оларды кейіннен бақылауға арналған әуе кемелерін тіркеу үшін қосымша шарттар әзірленді, олар «Қазақстан Республикасының әуе кеңістігін пайдалану және авиация қызметі туралы «Қазақстан Республикасының Заңына өзгерістер енгізу туралы»Қазақстан Республикасы Заңының жобасына енгізілді.
Аталған нормалар 2020 жылдың соңына дейін «кейбір заңнамалық актілерге экономикалық өсуді қалпына келтіру мәселелері бойынша өзгерістер мен толықтырулар енгізу туралы»заң жобасының құрамында қабылданады деп күтілуде.
Осы бағыттағы жұмыстар жалғасуда.
