Қазақстанның Әділет министрі Марат Бекетаев Мәжілістегі Үкімет сағатында Атырау облысында болған қызықты оқиға туралы айтты. Азамат Айғали Супуғалиев жерленгеннен кейін екі ай өткен соң үйіне қайтып оралған.
2018 жылдың қараша айында Супагалиевтің туыстары “Айғали Супуғалиев”деп жерленген мәйіттің эксгумациясын жасады. Сараптама нәтижелері жерленген сүйектердің 99 % сәйкес келуін көрсетті.
Генетикалық зерттеу үшін Айғали Супуғалиевтің жақын туыстарынан сілекей мен қан үлгілері ұсынылды.
“Менің түсінігімде, егер сараптама жүргізу үшін материал әкелінсе, ал бұл жағдайда қандай да бір қан немесе басқа материал алынған болса, олар белгіленген стандарттар бойынша тексеріледі. Біздің жұмысымыз – бұл процедураларда бұзушылық болды ма жоқ па, соны тексеру. Содан кейін жақын туыстары дәл сондай талдауларды тапсырғанда – олардың сәйкестігі өте жоғары, 99 % шығады. Бірақ, олар мүлдем басқа адамдар. Мүмкін алыс туысқандар шығар”,-деді Әділет министрі Марат Бекетаев.
Ол гендік кодтың жоғары сәйкестігі “бірегей оқиға” емес екенін айтты.
“Біз Қарағанды облысындағы қылмыстық істердің бірі бойынша (зорлау туралы) зерттеу жүргіздік. Бұл ауылда көптеген туыстар тұрады. Барлығында гендік кодтың сәйкестігінің өте жоғары дәрежесі бар. Сондықтан бұл заттарға мұқият және саналы түрде қарау керек”, – деп түсіндірді Бекетаев.
“Сараптамаға сену керек. Қазір бұл дәлелдерді алудың ең озық әдістері. Бірақ сараптамаға, кез келген қызмет сияқты, белгілі бір күмәнмен қарау керек, ол үшін бізде сот бар (…). Егер құқық қорғау органдары мұқият іздестіру шараларын жүргізсе, барлығынан сұрай бастаса, онда басқа да дәлелдер табуға болады. Кешенді түрде бірнеше дәлелдерді қарастыру керек”, – деді министр.
Жерлеп, бата оқып,құдайы тамақ берген туған-туысқандары, кешке үйінің есігін ашып, кіріп келген Айғалиды көргенде, таңданысы қандай болды.
Есеңгіреп қалған туыстары молекулярлық-генетикалық сараптама сарапшыларын қате қорытынды бергені үшін қылмыстық жауапкершілікке тартатынын мәлімдеді.
Сулет: bnews.kz
