Бүгін Үкімет отырысында қаржы министрі Әлихан Смайылов өз ведомствосы жеке тұлғаларға салық рақымшылығы үшін қандай қадамдар жасайтынын айтты.
«Үкіметтің кеңейтілген отырысында мемлекет басшысы экономикадағы мемлекеттің жоғары үлесіне назар аударды. Қазіргі уақытта 898 нысанның 473-і 470 млрд.теңгеге сатылды. Кешенді жоспардың орындалуы 84% құрайды. Ағымдағы жылы кешенді жоспар бойынша республикалық коммуналдық меншік пен квазимемлекеттік сектордағы 123 нысанды іске асыру міндеті тұр», — деді Әлихан Смайылов.
Министрдің айтуынша, нысандар бойынша іс-шараларды жеделдету мақсатында «Мемлекеттік мүлік тізілімі» веб-порталында жекешелендірудің Жол картасына тиісті түзетулер енгізу, сату алдындағы дайындықты жандандыру, жекешелендіру нысандарын бағалау қажет.
Жол картасы жеке тұлғалардың критерийлерін және салықтық рақымшылық жүргізілетін берешек сомасын әзірлеуге бағытталған бірқатар іс-шараларды қарастырады.
«Парламентке енгізудің жоспарланған мерзімі — ағымдағы жылдың наурыз айы. Заңды қабылдау — маусымда. Жыл соңына дейін біз рақымшылық рәсімін аяқтауымыз керек», — деді Әлихан Смайылов.
Айта кетейік, 2019 жылдың 1 қаңтарындағы жағдай бойынша 1 млн астам жеке тұлғаның 21 млрд. теңге салық берешегі бар.
Сулет: zakon.kz
