Қазақстанда мемлекеттік қызметшілердің әдептілік деңгейін анықтау бойынша әлеуметтік сауалнама нәтижелері жарияланды.
Әлеуметтік сауалнамаға еліміздің барлық өңірлерінен жеті мың адам қатысты. Сұралғандар жергілікті және орталық атқарушы органдарда әртүрлі мемлекеттік қызметтерді алу кезінде мемлекеттік қызметшілермен бір кездескенін атап өтті.
«Өңірлерде мемлекеттік қызмет көрсету кезінде жоғары әдептілік деңгейін Алматы, Қызылорда, Павлодар және Солтүстік Қазақстан облыстарының тұрғындары, кәсіпкерлер арасында Шығыс Қазақстан, Ақтөбе, Ақмола облыстары мен Шымкент қаласында жүргізілген сауалнама көрсетті. Төмен деігейді Қарағанды, Маңғыстау, Түркістан облыстары мен Алматы қаласының тұрғындары, ал кәсіпкерлер арасында Қарағанды, Алматы облыстары мен Алматы және Астана қалалары сауалнамасы көрсетті», — деп атап өтті «Қазына Аралы» зерттеу компаниясының үйлестірушісі Әлия Оразғалиева.
Сондай-ақ, ол өткен жылмен салыстырғанда қызмет бабында алға жылжу үшін туыстық қарым-қатынас, танысу, патронаж болуы міндетті емес деп санайтын мемлекеттік қызметшілердің үлесі артқанын атап өтті.
«Ең бастысы-жақсы маман болу және көтерілу мүмкіндігі барлығына тең. ( … ) Сұралғандардың көпшілігі үшін (63 пайыз) лауазымдарды бөлудің айқын саясаты бар және сұралған мемлекеттік қызметші қызмет бойынша көтеруді қалай алуға болатынын анық түсінеді. Өткен жылмен салыстырғанда кадр саясатының оң серпіні мен мемлекеттік қызметшілердің қандай да бір лауазымға қалай лайық екенін, ол үшін қандай іс-қимыл жасау қажет екенін түсінуі байқалады (жалпы 9,1 пайызға өсті). Дегенмен, 1,5 % мемлекеттік қызметшілер кадр саясаты тек формальды түрде ашық, ал тағайындау шешімдері меритократия қағидаттарына бөлінуде қабылданады деп санайды», — деді Әлия Оразғалиева.
Зерттеу компаниясының үйлестірушісі мемлекеттік қызметшілер арасында қызметтік этиканы өрескел бұзу жағдайларының төмендегенін атап өтті.
«Параметрлер бойынша:көтеріңкі сөйлеу (жағдайдың екі пайызға төмендеуі), басшылықтың немесе басқа қызметкерлердің қызметтік жағдайын теріс пайдалану (жағдайдың 3,2 пайызға төмендеуі), қызметтік ақпаратты тарату (үш пайызға төмендеуі)», — деп түйіндеді зерттеу компаниясының үйлестірушісі.
Сулет: liter.kz
