Әлеуметтік медициналық сақтандыру қоры COVID-19 анықтау үшін тест сатып алуға 3 миллиард теңге бөлді. Бұл туралы осы қордың жетекшісі Айбатыр Жұмағұлов айтты.
Instagram-да тікелей эфирде Жұмағұлов коронавирусты анықтау үшін 300 мың тест сатып алынатынын атап өтті. Оның айтуынша, қажетті тест санын әкімдіктер анықтайды.
Сатып алынғаннан кейін тесттерді Қазақстан аймақтарына бөледі, онда жіті респираторлық вирустық инфекция белгілері бар азаматтарды тестілеу үшін жинау пункттері қойылады.
“ПТР-зерттеулер республикалық бюджет қаражатынан бекітілген тариф бойынша төленеді”, – деп толықтырды Айбатыр Жұмағұлов.
Сондай-ақ, қор басшысы індеттің таралуына қарсы күрес жөніндегі іс-шараларға республика бюджетінің қаражатынан барлығы 55,9 миллиард теңге қарастырылғанын айтты.
Соңғы мәліметтерге сәйкес, Қазақстан Республикасында ресми түрде 2982 COVID-19 жұқтыру оқиғасы расталды, оның ең көп саны – 909 оқиға Алматыда анықталды.
Сурет: strana.ua
