Алматыда жас балалардан жауап алуға арналған кабинет ашылды.
Кабинет Алматы қаласы Бостандық ауданының полиция басқармасының корпусында орналасады.
Оның мақсаты-баланың жағымсыз эмоцияларын азайту, қылмыс объектісі болса немесе қылмысты көрген болса,баланың психикасын тұрақтандыру,.
Кабинетте міндетті түрде балалар психологы болады. Кабинеттің атмосферасы балалардан жауап алуға қолайлы жағдай жасау үшін үй жағдайына жақындатылады. Мұнда ойын орны, диван, кітаптар мен жұмсақ ойыншықтар болады.
«Мұндай бөлмелер дамыған елдерде бұрыннан жұмыс істеп келеді. Егер сіз полициядағы кез келген кабинетке кірсеңіз, тынысыңыз тарылып кетеді. Бұл Қазақстандағы балалардан жауап алатын екінші бөлме. Бізде 14-ке дейінгі балалар жас болып саналады, содан кейін кәмелетке толмағандар деп бөлінеді. Бөлме зорлық-зомбылықтан зардап шеккен немесе қылмыстың куәгері болған балалардан жауап алуға арналған. Енді оларды осында әкеледі», — деді «Балаларды қорғау» қорының жетекшісі Жанна Ахметова.
Психологтар жауап алу кабинеті балаларды сотқа немесе қылмыс орнына әкелмей осылайша баланы екінші психологиялық жарақаттан қорғау үшін қажет деп санайды.
«Мұнда атмосферадабала өзін тыныш сезінеді. Балалар зорлық-зомбылықтан кейін жиі томаға тұйық болып кетеді, кейбіреуі сөцлей алмай қалады, сондықтан психолог болуы керек, мүмкін ол бала сурет салып, болған жайды айтып берер», — деді Жанна Ахметова.
2019 жылы мұндай кабинеттер Қазақстанның үш қаласында, ал 2019 жылдың соңында олар барлық өңірлерде ашылады.
Сулет: bnews.kz
