Еліміздің бас санитарлық дәрігері Айжан Есмағамбетова Орталық коммуникациялар қызметінде брифинг өткізіп, онда карантин талаптарын бұзушыларды анықтап, оларды жауапкершілікке тарту бойынша Қазақстанда жүргізіліп жатқан жұмыстар туралы айтты.
Бас санитарлық дәрігердің айтуынша, бүгінгі таңда Қазақстанда карантиндік режим ережелерінің сақталуын 644 өңірлік мониторинг топтары қадағалауда. Есмағамбетова олар әкімдіктер жанынан құрылғанын және оның құрамына атқарушы билік органдарының өкілдері, полиция қызметкерлері мен санитарлық қызмет қызметкерлері кіретінін атап өтті.
Осы топтардың жұмысының нәтижелері туралы айта келе, Айжан Есмағамбетова бүгінгі таңда карантиннің белгіленген талаптарын бұзғаны үшін 457 лауазымды тұлға жауапкершілікке тартылғанын атап өтті.Олардың барлығына салынған айыппұлдың жалпы сомасы 65 миллион теңгеден асады.
Сондай-ақ, брифинг аясында санитарлық дәрігер азаматтар негізінен карантиннің қандай талаптарын бұзатынын атап өтті. Оның айтуынша, азаматтар бетперде тәртібін және әлеуметтік қашықтықты сақтамайды.
Соңғы мәліметтерге сәйкес, Қазақстан Республикасында коронавирус жұқтырудың 76799 жағдайы тіркелді. Ал елімізде 48220 адам осы аурудан емделді.
Сурет: regnum.ru
