Қазақстандық сыртқы саясат ведомствосының өкілдері біздің Республикамыздың Латвиядағы Төтенше және Өкілетті Елшісі Тимур Пірімбетов Латвия Республикасының Президенті Эгилс Левитске сенім грамоталарын тапсырды.
Кездесу барысында Қазақстан дипломаты мен Латвия басшысы екі мемлекет арасындағы екіжақты ынтымақтастықты дамытуға қатысты мәселелерді талқылады.
Қарым-қатынасты дамыту туралы айта келе, тараптар біздің республика мен Латвия арасындағы білім, туризм, фармацевтика, “жасыл” технология мен киберқауіпсіздік саласындағы ынтымақтастықты нығайтуға мүдделілігін растады. Сондай-ақ, транзиттік-көліктік өзара қатынасты кеңейту қажет екендігі айтылды.
Сонымен қатар, кездесу аясында Латвия президенті Қазақстанды Орталық Азиядағы негізгі сауда-экономикалық серіктес ретінде және барлық өңір бойынша тұрақтылық және қауіпсіздік орталығы ретінде қарастыратынын мәлімдеді.
Әңгіме соңында Латвия Республикасының Президенті мемлекет басшысы Қасым-Жомарт Тоқаевқа ізгі тілегін жолдап, Қазақстан дипломатына дипломатиялық миссиясында табыс тіледі.
