Бүгін таңертең Алматы облысында қайғылы оқиға орын алды – республикамыздың оңтүстік астанасы маңында бортында 95 жолаушы және 5 экипаж мүшесі бар ұшақ апатқа ұшырады. Алдын ала мәліметтер бойынша, 12 адам қаза тауып, 50-ге жуық адам ауыр жарақат алды.
Осыған байланысты Mash телеграмм-арнасының авторлары осы апат куәгерлерінің бірімен әңгіме өткізді.
Апатқа ұшыраған ұшақтың жолаушысы Гүлнәр Кошенова ұшақ ұшқан кезде “төмпешік сияқты қатты сілкініс” болғанын айтты.
“Сосын аздап көтеріле бастады,сілкініс одан да күшейіп, қақтығыс болды. Мен қауіпсіздік техникасы бойынша еңкейдім, басымды көтерген кезде, алдымда түтін, ақ бірдеңе. Жүк пе, жүк емес пе, бәрі құлап жатыр. Біреу апат есігін бұзып, бәрі жүгіріп шықты”,-деді әйел.
Сондай-ақ, жолаушы: “Ұшақта зардап шеккендер көп болды. Балалар бар. Қолдар, аяқтары сынған.Қан. Барлығы есеңгіреп жан-жаққа қашып жатыр. Түсінесіз бе, барлық адамдардың үсті-басы кан”.
Қазір оқиға орнында құтқару қызметі жұмыс істеуде. Әуе кемесі апатқа ұшыраған кенттің жергілікті тұрғындары құтқарушыларға көмек көрсетуде. Атап айтқанда, ауыл тұрғындары тамақты дайындайтын далалық ас ұйымдастыруда.
ТАСС ақпараты бойынша, ұшақ ұшу кезінде биіктіктен айырылып, бетон қоршауын соғып өтіп, кейіннен екі қабатты үйге соқтығысқан. Сәтін салып, нәтижесінде өрт болған жоқ.
Бұған дейін Қазақстан Үкімет басшысының орынбасары Роман Скляр алдын ала болжамға сәйкес лайнердің артқы бөлігі ұшу-қону жолағына тиіп, сол құлауына себеп болғанын хабарлады.
