Үкімет отырысында Қазақстанның Индустрия және инфрақұрылымдық даму министрлігі Азаматтық авиация комитетінің басшысы Талғат Ластаев Bek Air әуе кемесінің апатқа ұшырауынан зардап шеккендердің барлығына мемлекеттен өтемақы төленгендігін, қазіргі уақытта сақтандыру компаниясынан төлем жасалғанын хабарлады. Бұл туралы zakon.kz хабарлады.
«Мемлекет тарапынан зардап шеккендерге тиесілі төлемдер төленді. Зардап шеккендер-52 адам. Қазір сақтандыру төлемдері жүргізілуде. Бүгінгі таңда «Аманат Иншуранс» компаниясына жүгінгендер, менің білуімше, немесе төлем алу барысында, немесе сақтандыру жағдайлары бойынша барлық қажетті төлемдерді алды», — деді Ластаев.
Сондай-ақ, ол сақтандыру компаниясы тарапынан төленетін төлемдер жағдайында барлық қажетті құжаттардың жиналғанына байланысты екенін айтты.
«Сақтандыру компанияларына қатысты бұл ұсынылатын құжаттар тізіміне байланысты. Сақтандыру компаниясы барлық қажетті соманы толық көлемде төлеуге міндеттенетін құжаттардың тізбесі бар. Біз бұл мәселені бақылауда ұстаймыз», — деді комитет төрағасы.
Өткен жылдың желтоқсан айының соңында Алматыдан Нұр-сұлтанға ұшып келе жатқан Bek Air әуе компаниясының борты ұшу кезінде биіктіктен айырылып, екі қабатты ғимаратпен соқтығысқан. Апат салдарынан 12 адам қаза тапты. Ауруханадан шыққаннан кейін біраз уақыт өткен соң осы ұшақтың ұшқышы да қайтыс болды.
Сурет: zakon.kz
