87 жасында миллиондаған кеңес азаматтарының, әкелеріміз бен аталарымыздың кумирі, КСРО Халық әртісі Василий Лановой қайтыс болды.
Қаңтар айының басында Лановой мен оның әйелі Ирина Купченконың коронавирус инфекциясын жұқтырғаны белгілі болды. Ауру асқынбаса да, КСРО халық әртісін медициналық мекемеге жатқызды. Кеше Лановой денсаулығының нашарлауына байланысты реанимация бөліміне ауыстырылды. Кейінірек оның досы Евгений Герасимов миллиондаған кеңес азаматтарының кумирі клиникалық өлімге душар болғанын хабарлады.
Лановой 1934 жылы 16 қаңтарда Мәскеуде дүниеге келген. Мектепті алтын медальмен бітіріп, Ломоносов атындағы Мәскеу мемлекеттік университетінің журналистика факультетіне оқуға түсті. Бірінші семестрді аяқтап, Лановой ММУ-дан құжаттарын алып, Щукин атындағы театр мектебінің (қазіргі Щукин атындағы театр институты) актерлік бөліміне түсті.
Мектепте оқып жүргенде Лановой өзінің алғашқы “Аттестат зрелости” фильмінде, ал 1956 жылы “Павел Корчагин” фильмінде басты рөлді сомдады. 1957 жылы Театр училищесін аяқтады.
Василий Лановойдың ең танымал фильмдерінің бірі – “Қызыл желкендегі” Артур Грейдің рөлі, “Офицерлердегі” Иван Варавва және “Петровка, 38” фильміндегі Владислав Костенко. Ол сондай-ақ “Соғыс және бейбітшілік”, “Анна Каренина”, “Анна және Командор” және “Турбиндер күндері” сияқты фильмдерде ойнады.
Көрнекті актердің, әкелеріміз бен аталарымыздың мақтаны Василий Лановойдың қайтыс болғанына Ресеймен бірге біздің республикамыз қайғыруда, өйткені бұл біздің жалпы қайғымыз.
Сурет: rbc.ru
