Қазақстан Денсаулық сақтау министрлігінің ресми өкілі Диас Ахметшарип коронавирусқа қарсы күреске тартылған қазақстандық дәрігерлерге жалақы мөлшерін 2-3 есеге көтеретінін мәлімдеді. Бұл туралы zakon.kz ақпарат агенттігі хабарлайды.
«Біз дәрігерлерге қолдау көрсетуіміз керек. Жұқпалы аурулар ауруханаларында жұмыс істейтін инфекционистер, жедел жәрдем дәрігерлері, медбикелер, ауруханалардың дәрігерлері. Олар қазір алдыңғы қатарда.», — деді Ахметшарип.
Сонымен қатар, Диас Ахметшарип коронавирустық инфекциямен күресіп жатқан дәрігерлердің жалақысы Денсаулық сақтау министрі Елжан Біртановтың тапсырмасы бойынша қолдау бағдарламасы аясында арттырылатынын атап өтті.
Қазақстандық денсаулық сақтау министрлігінің соңғы мәліметтеріне сәйкес, біздің елімізде коронавирусты жұқтырудың 52 оқиғасы тіркелген.
Қауіпті вирусты жұқтыру жағдайлары тек Нұр-Сұлтан, Алматы және Қарағанды қалаларында тіркелген. Елдің басқа өңірлерінде коронавирус табылған жоқ.
Осыған байланысты Нұр-Сұлтан мен Алматыда карантин режимі енгізілді, алайда Қарағандыда мұндай режим әзірге енгізілген жоқ. Республикамыздың басқа қалаларында вирустың таралуына жол бермеу үшін барлық мүмкін шаралар қолдануда.
Сурет: zakon.kz
