Бас мемлекеттік еңбек инспекторы Төлеген Оспанқұлов елімізде коронавирустық инфекция медицина қызметкерлерінің кәсіби ауруына теңестірілуі мүмкін екенін айтты, деп хабарлайды vlast.kz чтожаңалықтар ресурсы.
Егер бұл орындалса, онда әрбір жұқтыру оқиғасы тексеріліп, зардап шеккен дәрігер Қазақстан заңнамасында көзделген зияндылық үшін өтемақы алады.
Оспанқұлов екі апта бұрын Еңбек Министрлігі Денсаулық сақтау министрлігіне коронавирусты медицина қызметкерлерінің кәсіби ауруларының тізіміне қосуға байланысты мәселемен айналысатын жұмыс тобын құруды хаттамалық тапсырғанын атап өтті.
“Менің ойымша, бұл тұрғыда біздің Денсаулық сақтау министрлігімен жұмысымыз қалыпты жағдайда өтеді. Біз дұрыс шешім қабылдаймыз”, – деді Оспанқұлов.
Сонымен қатар, індет тарала бастағаннан бастап бүгінгі күнге дейін Қазақстан Республикасында коронавирустық инфекцияны жұқтырудың 110086 жағдайы тіркелді. 105493 адам аурудан айықты.
Алайда Денсаулық сақтау министрлігі коронавирустың жаңа толқынын жоққа шығармайды. Денсаулық сақтау министрі Алексей Цой айтқандай, желтоқсан-қаңтар айларында эпидемиологиялық жағдай нашарлайтын болса, Қазақстанда локдаун енгізілуі мүмкін.
Сурет: baigenews.kz
