“ҚКХП” фракциясының Парламент мүшесі Айқын Қоңыров Қазақстан Республикасы Үкіметінің басшысы Асқар Маминнің атына депутаттық сауал жолдады.
Депутаттың айтуынша, жаңа коронавирус пандемиясы жағдайында ерекше қауіп-қатер тобына жататын қарт азаматтарды қорғау, олардың қалыпты өзін-өзі оқшаулауы үшін барлық жағдай жасау, туындаған барлық проблемалар мен мәселелерді уақтылы шешу өте маңызды.
“Халық коммунистері” фракциясы азаматтарымыздың зейнетке шығу жасын қайта қарауға шақырады. 2013 жылы біз әйелдердің зейнетке шығу жасын арттыру бойынша зейнетақы реформасын қолдамадық. Бүгін партияның облыстық және қалалық комитеттерінде қоғамдық талқылауларда айтылған азаматтардың пікіріне сүйене отырып, біздің азаматтарымыздың зейнетке шығу жасын азайтуды және оны әйелдер мен ерлер үшін 60 жастан белгілеуді ұсынамыз”, – деді Қоңыров.
Ол азаматтардың коронавирустық инфекциямен байланысты жағдайды байыпты қабылдауы және екінші толқынның алдын алу үшін Денсаулық сақтау министрлігі белгілеген барлық шараларды ұстануы керек деп қосты.
Сурет: sputnik.kz
