«Халық коммунистері» саяси партиясында «барлық қазақстандықтар үшін қолжетімді және сапалы тамақ» атты жоба әзірлеуді, сондай-ақ елімізде өндірілген азық-түлік өнімдерін сатып алу үшін купондар немесе төлем карталары шығаруды жолға қоюды ұсынды. Бұл туралы депутаттардың республика үкіметінің басшысы Асқар Маминге үндеуінде сөз болып отыр.
Партия төрағасы Айқын Қоңыровтың айтуынша, Мұндай бастама Қазақстан азаматтарына қолдау көрсету үшін ұсынылған.
«Ұлттық жобада, атап айтқанда, қазақстандық өнімдерді сатып алу үшін арнайы купондар немесе төлем карталарын шығару арқылы азаматтарға көмек көрсетуді қарастыру қажет. Бұл бір мезгілде халықтың тамақтануын жақсартуға және отандық өндірушілерді қолдауға мүмкіндік береді», — деді мәжілісмен.
Ол атап өткендей, қаржы нақты жеткізушілерге күмәнді схемалар мен көптеген делдалдар арқылы кулуарлық тәртіппен жүрмей, нәтижесінде қаржы институттарын субсидиялай отырып, тұтынушылардың еркін бәсекелестік таңдауы негізінде түсетін болады.
«Бұл ұлттық жобаны қабылдау қазіргі күн тәртібіндегі қағидатты мәселе болып табылады», — деп қосты Қоңыров.
Ол ағымдағы жылдың қаңтар-тамыз айларында 2019 жылдың осы кезеңімен салыстырғанда азық-түлік тауарларының бағасы 10,4 пайызға өскенін атап өтті.
Мәжіліс депутаты сондай-ақ халықтың нақты табыс деңгейі төмендеген жағдайда, ол азық-түліктің сапасы мен қауіпсіздігін үнемдеуге мәжбүр екендігіне назар аударды.
